(AP) – E administracion Biden a lansa riba diahuebs a lansa un sistema di crea afspraak online como e unico manera cu e migrantenan lo por ricibi excepcion di e limitenan di e era di pandemia cu a pone riba asilo marcando e gobierno su paso mas recien.
U.S Customs and Border Protection a cuminsa permiti migrantenan haci afspraak pa te cu 2 siman usnado nan sitio web of via CBPOne, un aplicacion cu e agencia a usa den manera limita desde aña 2020. CBPOne ta reemplasando un rgan cantidad di exepcion na un orden di salud publico conoci como Title 42, bao di cual e gobierno a nenga migrantenan derechonan di Merca y internacional pa pidi asilo desde maart 2020.
Te cu awo, CBP a haci areglo pa haci excepcionnan via abogadonan, misanan y shelternan di migrante sin cu ta identifica nan publicamente of pa medio di bisa cuanto luga ta disponibel.
E abogadonan ta scoge ken ta drenta y CBP ta dicta e veredicto final.
Bao e sistema nobo, migrantenan ta aplica directamente na e agencia y un oficial di gobierno lo detemrina ken ta drenta. Nan afspraak lo ser na un di 8 localidad, Brownsville, El Paso, Hidalgo y Laredo na texas, Nogales na Arizona y Calexico cu San Diego na California.
Excepcionnan pa Title 42 mester bay na e migrantenan cu ta mas vulnerabel. Diahuebs su anuncio ta separa di e medidanan anuncia anteriormente di saca migrantenan for di Cuba, Mexico, Haiti, Nicaragua y Venezuela bao Title 42 y na mesun momento, ta permiti te cu 30,000 migrante di e 4 paisnan aki ser permiti drenta Merca tur luna bao clausula humanitario pa dos aña si nan aplica online, cubri nan mesun pasashi y provee un sponsor financiero.
