(AP)—Diaranson Merca a impone mas sancion riba e supuesto violadonan cu un prijs di 60 dollar pa bari pa azeta Ruso y a haci reglanan di cumplimento pa companianan di seguro y di carga mas streng.
Firmanan na Emiratos Arabes Unidos y Hong Kong a ser identifica pa sancionnan economico, incluyendo Sun Ship Management D Ltd. di EAU, di cual e doño ta e operador di barco Joint Stock Company Sovcomflot di Rusia. Tambe sanciona tabata Covart Energy di Hong Kong, cual a aumenta su share di e comercio di azeta Ruso desde cu e politica di limite riba prijs a ser implementa, y Bellatrix Energy, tambe di Hong Kong.
E sancionnan, cual ta sigui otronan cu a ser imponi e aña aki riba companianan di carga pa azeta Ruso cu prijs riba e limite, ta blokia nan acceso pa nan propiedad Mericano y ta preveni individualnan y firmanan Mericano di haci negoshi cu e gruponan aki. E coalicion di limite di prijs tambe a anuncia diaranson cu pronto e lo rekeri proveedonan di servicio, incluyendo
“shippers” y “movers” di azeta Ruso, pa ricibi testimonio for di nan cumprado- y bendedonan cada biaha cu nan hisa of load azeta Ruso.
E coalicion tambe ta rekeri seugor y firmanan di carga pa comparti e documentonan cu entidadnan mas abao di e cadena di suministracion, segun un comunicado di e Tesorera a bisa. Vice-secretaria di Tesorero Wally Adeyemo a bisa cu e sancionnan “ta demostra nos compromiso pa mantene e principionan di e politica di limite riba priijs, cual ta avansa e meta di apoya mercadonan di energia stabiel mientras ta reduciendo e entrada financiero di Rusia pa funda su guera contra Ucrania.”
“Participantenan den e transporte maritimo di azeta Ruso,” el a bisa, “mester adheri na e liñanan di guia di cumplimento cu a ser acorda pa e coalicion di limite di prijs of enfrenta e consecuencianan.” Merca, Union Europeo, paisnan den e Grupo di Shete y Australia, a impone un limite di 60 dollar pa bari riba azeta Ruso aña pasa.
Cualkier compra riba e limite lo viola e politica acorda. E limite a ser diseña pa limita e entrada di Kremlin pa fonda su guera na Ucrania, forsando e gobierno Ruso pa sea bende su azeta riba descuento of aloca placa pa un netwerk alternativa pa shipping cu lo costa hopi placa.
