Vice-presidente di Merca Mike Pence a exigi Juan Manuel Santos, presidente di Colombia, pa detene e produccion lihe di cocaina, cu a haya un nivel record di banda di rebeldenan di Forsa Arma Revolucionario (FARC), mey mey di e proceso di paz.
Colombia ta presenciando un aumento di cultivo di coca y produccion di cocaina, despues di varios aña di lucha contra narcotrafico. Colombia ta traha cu Merca den lucha contra droga.
Segun organisacion di Nacionnan Uni (ONU), na 2016 e cantidad di area cu presencia di cultivo di coca a aumenta cu 52%, loke nifica cu Colombia tin un total di 146 mil hectarea, compara cu 96 mil hectarea cu tabatin na 2015. Aña cu a pasa Colombia a produci 866 ton di cocaina, un 34% mas cu na aña 2015. E situacion aki ta pone Colombia como e pais mas grandi den exportacion di droga na mundo.
“Nos preocupacion (…) ta e aumento di e produccion di cocaina cu awor tin un nivel hopi halto manera nunca nos a mira den pasado,” Pence a bisa na Santos durante un rueda di prensa na Cartagena.
