(AP) – Demasiado Mericano no ta ricibiendo e cura pa hepatitis C, y un estudio cu ta na caminda den un parti di Kentucky cu a ricibi golpi fuerte cu ta explorando un manera simpel pa cambia esaki.
E clave ta un diagnosis di biaha pa reemplasa e testnan actual di varios paso.
Den mas o menos un ora, cu e prik di un dede, investigadornan por bisa un di e pashentnan mas dificil pa trata cu nan tin hepatitis C y asina duna medicamento cu posiblemente lo por salba nan bida. Warda pa testnan standard pa “un of dos dia pa un persona cu ta activamente usando droga, nos por perde contacto cu nan,” Jennifer Havens di University of Kentucky, ken ta lidera e estudio a splica. Pa cuminsa cu tratamento inmediatamente, “esaki ta grandi, sumamente grandi.”
Un diagnosis ricibi den un solo cita ya caba ta ser ofreci den oro paisnan, segun Jeffrey Weiss di New York Mount Sinai Health System, ken ta traha cu un programa di hepatitis C pa e comunidad. “Nos tin varios persona cu nos a test y nos kier duna nan e resultado, sinembargo nos no por haya nan.”
Por lo menos 2.4 miyon Mericano ta calcula di tin hepatitis C, un virus cu silenciosamente ta ataca e higra, causando cancer of e necesidad pa un transplante di organo. Esaki ta causa mas di 14,000 morto pa aña. Esaki aunke un pildo diario tuma pa dos of 3 luna por cura casi tur hende cu tiki efecto secundario.
Sinembargo na Merca, mas di 80 porciento di persona cu hepatitis C no sa cu nan ta infecta. Menos di 1 den cada 3 pashent cu a ser diagnostica a ricibi tratamento na tempo. Y infeccionnan nobo ta surgiendo dentro di adultonan mas hoben cu ta comparti hanguanan di droga.
