(AP)—Ayera e White House a condena e perdida di decenas bida di civil como resultado di un atake aereo Israeli den Rafah, pero a bisa cu e no ta planeando ningun cambio di politica como resultado di e accionnan di Israel.
Vocero di seguridad nacional John Kirby a contra reporteronan cu Israeli no a viola e “liña cora” di presidente Joe Biden por medio di mantene transferencia di arma ofensiva den futuro, pasobra e no a, y ta parce pa Merca cu e no lo lansa un invasion den e ciudad na Gaza.
“Tur cos cu nos ta mira ta conta nos cu nan no ta moviendo den un operacion terestial grandi den centronan di poblacion na Rafah,” Kirby a bisa. Mayoria di esnan cu a muri durante e atake diadomingo tabata tumando refugio den tentnan.
Prome minister Israeli Benjamin Netanyahu a bisa cu a haci un “eror tragico” den e atake, agregando na e critica internacional cu Israel ta enfrentando pa via di su guera cu Hamas, cu hasta su aliadonan mas cerca expresando rabia tocante e mortonan civil.
Biden y su top conseheronan a keda adverti Israelinan contra conduciendo un operacion grandi na Rafah sin un plan pa sigura e seguridad di civilnan inocente. Pero e adminsitracion a haci claro cu e no lo move—al menos no inmediatamente—pa caba cu cualkier apoyo pa Israeli como resultado di e atake.
Kirby a bisa cu Biden “no ta tumando decisionnan a base di popularidad of opinion publico den e pais of rond mundo,” pero ta reconoce cu e no tabata den e interes di Merca of “e interes di nos partner Israel pa nan bira mas isola” riba e scenario mundial.
Vocero di e departamento di estado, Matthew Miller, a conta reporteronan cu e ofensivanan di Israel den Rafah ainda tabata riba un scala “totalmente diferente” compara cu e asaltonan cu e forsanan Israeli a conduci riba otro ciudad den Gaza. Merca a urgi Israel pa no replica esnan cu a tuma luga prome, riba Rafah, mirando e civilnan vulnerable cu ta preta eynan.
Miller a bisa cu e no tin conocemento directo di reportahenan di testigo cu tankinan Israeli a drenta e centro di Gaza, y a nota cu Israel a nenga responsabilidad pa un atake Israeli nobo riba Rafah diamars, cual oficialnan di salud na Gaza a bisa a mata mas cu 20 hende.
Ora a puntr’e si e atake lo resulta den cualkier cambio di politica na Merca, Kibry a bisa: “Mi no tin ningun cambio pa ofrece.” E Israelinan a bisa cu nan a usa municion di precision den e atake y a sugeri cu un explosion secundario a causa e cantidad di morto civil.
