Seis persona a crusa frontera di Merca for di Mexico ilegalmente, unda cu nan a muri, y cinco otro a keda herida gravemente, ora cu un auto SUV a crash den un drempel, segun autoridad a informa.
E accident a cuminsa banda di 10or di anochi, pero autoridadnan no a haya sa te cu 4:00 di madruga, ora cu un residente a yama polis y a informa cu un homber herida a yega na nan porta.
Autoridadnan no a haya e homber, pero despues a topa cu otro dos homber herida canando banda di caminda, kendenan a bisa polis tocante accidente. E SUV tabata coriendo lihe. Agente di polis, Daniel Lorberau a bisa cu mester a saca varios persona di e vehiculo y hiba nan hospital. Ademas di e fayecidonan y esunnan criticamente herida, tres otro a sufri heridanan menor.
Agente cu ta controla e frontera a bisa cu tur e victima ta di El Salvador. E accidente ta esun mas reciente cu ta envolvi persona indocumenta cu ta muri pa purba drenta Merca. E sorto di accident di trafico asina a bira mas comun di e pais. Varios accident di auto a pasa durante aña, algun cu menos of mas victima.
