Legisladonan di e ciudad a vota na fabor di prohibi casi tur acto di aborto den e estado. Esaki ta inicia un bataya legal y politico di e ley mas stricto di e pais.
Esaki lo pone cu un aborto ta un delito grave na cualkier etapa di embaraso, casi sin excepcion. E defensa di derecho di aborto a bisa diaranson cu pidi gobernador di Alabama, Kay Ivey, pa rechasa e proyecto di ley y priminti un accion legal lihe, sino lo hiba nan corte.
Ivey no a comenta nada ainda, pero e grupo republicano di Alabama ta bisa cu ta spera cu e lo firma e legislacion. “Roe v. Wade a caba cu e bida di miyones di mucha, nos no por cambia e daño cu a wordo haci antes, pero awo tin oportunidad pa salba mucha cu no a nace”, segun Clyde Chambliss, kende ta un senador republicano.
E ley ta bisa cu si tin aborto, e castigo por ta mas cu 99 aña of bida den prizon pa e persona cu e provee e aborto. E unico excepcion ta si e muhe su bida ta den riesgo. Senador di Alabama a rechasa pa agrega den e ley un expresion pa abuso sexual of incest.
Durante e debate, a bisa cu dokter cu comete un aborto por sirbi mas tempo den prizon cu e persona cu a abusa sexual di e muhe. Casi 50 persona tabata para pafo di oficina di cas di estado pa e debate, muhenan ta grita ‘ken su escogencia? Di nos’.
