Un shuttle autonomo a wordo para pa polis riba su prome dia hibando pasaheronan riba un ruta nobo na Rhode Island.
Hefe di polis di Providence, Hugh Clements, a bisa cu un oficial a para e vehiculo pasobra e nunca a yega di mira un. “E tabata parce un golf cart grandi”, Clements a bisa.
E vehiculo, opera pa May Mobility basa na Michigan, tabata hibando pasaheronan ayera mainta na Providence Olneyville Square, ora un patruya a acera cu luz y sirena cendi.
Tabata apenas algun ora despues di e lansamento publico di e piloto, funda pa estado, pa un servicio di shuttle yama ‘Little Roady’. E shuttle ta duna biaha gratis riba un loop urbano cu 12 parada, cu ta conecta cu un stacion di trein. Cada vehiculo por hiba seis persona, incluyendo un atendiente cu ta tuma control ora e tecnologia automo faya, manera riba biradanan dificil cu trafico.
Clements a bisa cu e polis curioso tabatin un combersacion cordial cu e atendiente, y cu no a duna ningun advertencia ni boet.
Un co-fundado di May Mobility a bisa cu e piloto ta en parti tocante siña con e vehiculo por coexisti cu e peatonnan, motorista, y oficial di polis di Providence.
Na un parti di New England conoci pa chauffeurnan agresivo y sin pasenshi, oficialnan local a prepara nan mes pa con motoristanan lo reacciona na e vehiculonan lento. Construi pa Polaris Industries basa na Minnesota, e vehiculonan tin un dak di glas y ta parce un bus chikito, pero cu e asientonan cu frente pa otro.
Oficialnan a scoge un ruta cu tiki trafico, pero cu ta conecta di barionan cu no tin bon acceso na transporte publico pa Amtrak, rail, of otro parada di bus. E piloto ta funda parcialmente pa un acuerdo di gobierno cu Volkswagen pa modifica vehiculonan cu a ‘cheat’ riba test di emision.
Durante e piloto di un aña, e servicio lo ta gratis. E contract di May Mobility cu Rhode Island ta inclui opcionnan pa extende e servicio pa dos aña mas.
