Asina a duna di conoce un imagen cu a core rond riba social media ayera den oranan di atardi na unda cu a causa conmocion den comunidad y por a mira cu Aruba a wordo coloca den codigo cora pa Center for Disease Control and Preventions di Merca.
Durante un entrevista cu Ronnella Croes CEO di ATA a ofrece pa portal noticiero 24ora, el a enfatisa cu nan tabata espera riba esaki caba. No solamente di parti di ATA sino tambe di parti di e cluster medico y tambe Crisis Team, cu tabata cuestion di tempo cu Aruba lo inclui back riba e nivel 4.
Asina mes, el a indica cu for di dianan pasa door di variante Delta nan tabata espera cancelacion of posponemento di biahenan di turista na unda ATA a completa un rapport riba esaki den cual nan a tuma contact cu tur hotelnan y e resultado di encuesta di siman pasa tabata indica cu e mayoria tabata monitoriando pero mester duna mas tempo pa wak si e cancelacion ta drentando.
Di mesun forma, el a declara cu Aruba for di basta tempo tabata den nivel 4 hasta juni ultimo cu a ser cambia pa nivel 3, di loke ta trata e impacto el a bisa cu “por lo general e mercado a duna un bon resultado no obstante cu bo tabata riba e nivel 4 di riesgo”, Croes a comenta.
