(AP)—E oficina di e Procurador General Republicano na Montana ta apelando un huicio di cambio di clima cu ta bisa cu agencianan di estado no ta haciendo suficiente pa proteha 16 demandantenan hoben for di daño causa pa calentamento global.
E estado a anuncia diabierna cu e ta bay apela e huicio di Hues Kathy Seeley di e Corte di Districto, ken a haya cu e Montana Environmental Policy Act ta viola e derechonan constitucional di e demandantenan pa un ambiente limpi y saludabel. E ley di 1971 ta rekeri agencianan di estado considera e posibel efectonan ambiental di proyectonan y considera perspectiva publico prome cu suministra permiso.
Bao di un cambio di e ley ey aproba pa e legislatura di 2023, e Departamento di Calidad Ambiental di e estado no mester considera e efecto di gasnan di invernadero ora ta duna permiso pa proyectonan di combustibel fossiel, cu e excepcion di gobierno declara dioxodio di carbon un contaminante regula.
E demandantenan a argumenta cu ya nan ta sinti e consecuencia di cambio di clima, cu huma for di incendionan forestal cu ta stroba nan respiracion y sekianan cu ta secando riunan cu ta sostene agricultura, pisca, animal y recreacion. E estado a argumenta cu e volumen di gasnan di invernadero emiti for di proyectonan di combustibel fossiel na Montana tabata insignificante compara cu e emision global.
Lo dura varios luna prome cu e estado di Montana entrega su apelacion di e huicio. Mientras tanto, e Departamento di Calidad Ambiental ta puntrando residentenan pa comparti nan perspectiva riba posibel mehoracion di e Montana Environmental Policy Act.
Residentenan a ser puntra ki cambio ta necesario pa modernisa e regulacionnan y con emisionnan di gasnan invernadero y cambio di clima mester ser analisa. E asunto aki ta bao consideracion awo, parcialmente pa via di e reto legal treci pa e demandantenan hoben.
