Un persona a fayece y cinco a resulta herida ora cu un mashin (crane) di construccion, pa motibo di tormenta y biento fuerte, a cay riba un edificio di Dallas. Jason Evans, vocero di brandweer, a duna informacion. “E edificio mes a sufri varios collapse den diferente area di e edificio, pa inclui espacio residencial u un area di parkeo”, Evans a bisa.
Di e heridonan, dos ta den estado critico, dos a sufri herida serio, y un a sufri herida leve y a bandona hospital. Personal di emergencia a busca cada apartamento na cual nan por a yega, y no a haya mas victima, Evans a bisa. Tambe el a bisa cu cada residente di un apartamento afecta pa e mashin tabata sea fuera di e luga na momento di e suceso, of ta esunnan cu a wordo hiba hospital.
E personal a ser yama pa e luga banda di 2or di atardi, despues cu servicio di tempo nacional a bisa cu tin un tormenta na area di Dallas/ Forth Worth, cu biento di 70mph.
Yesenia Bozquez y su famia a muda na e apartamento 2 siman pasa. Ora el a yega di haci compras, el a haya su casa, Jay, kende a keda recuperando di un herida na su schouder, den e apartamento tur kibra cu e pidanan di metal. 30 minuut despues autoridad a inform’e cu su casa ta bibo y ricibiendo tratamento. “El a sinti manera 1 aña”, Bosquez a bisa.
E compania ‘Bigge Crane and Rigging Co’, doño di e mashin en cuestion, a bisa den un declaracion cu lo pone personal pa asina busca mas informacion di loke a pasa y lo coopera cu investigacion.
