FILE - Snow falls on the future USS Thomas Hudner, a U.S. Navy destroyer named after Korean War veteran Thomas Hudner, during christening ceremony at Bath Iron Works in Bath, Maine, April 1, 2017. The U.S. is sending additional fighter jets and a warship to the Strait of Hormuz and the Gulf of Oman to increase security in the wake of Iranian attempts to seize commercial ships there. The Pentagon said Monday that the USS Thomas Hudner, a destroyer, and a number of F-35 fighter jets will be heading to the area. The Hudner had been in the Red Sea. (AP Photo/Mary Schwalm, File)

(AP) — Merca ta mandando fighter jetnan adicional y un barco di guera na e Estrecho di Hormuz y e Golfo di Oman pa aumenta seguridad despues di intentonan di Iran pa confisca barconan comercial na e sitio.

Pentagono a bisa ayera cu e destroyer USS Thomas Hudner, y un cantidad di fighter jet F-35 ta bayendo den e area. E Hudner tabata den Lama Cora.

Oficialnan di defensa siman pasa a anuncia e lansamento di F-16nan den e area durante ultimo weekend, y tin avion di atake A-10 eynan pa casi dos siman como respuesta na e actividad di Iran.

E lansamentonan mas recien ta yega despues cu Iran a confisca dos tanker di petroleo cerca di e estrecho e luna aki, tirando riba nan. E avionnan tin intencion pa duna cobertura aereo pa e barconan comercial moviendo door di e awa, y aumenta e visibilidad militar den e area pa disuadi Iran.

Marina Mericano a bisa cu den ambos instancia e barconan naval Irani a hala atras na momento cu e USS McFaul, un destroyer di misil, a yega na e sitio. Marina a bisa cu e McFaul ta keda den region di Golfo pa continua protegiendo e vianan di comercio marino.

Marina Mericano ta bisa cu Iran a confisca al menos cinco barco comercial den ultimo dies aña y a acosa mas cu un decena di otronan. Cantidad di e incidentenan aki a sucede na y rond di e Estrecho di Hormuz, e boca estrecho di e Golfo Persa door di cual 20% di tur crudo ta pasa.