(AP) – Oficialnan di Merca ta considerando amplia recomendacionnan pa e personanan cu ser vacuna contra di Monkeypox, posiblemente incluyendo hombernan cu tin HIV of e personanan cu recientemente a ser diagnostica cu otro malesanan sexualmente contagia.
Na base di e discusion ta un estudio publica riba diahuebs unda cu a mira cu un cantidad mas halto di loke a premira di infeccion di Monkeypox ta den personanan cu tin otro malesanan sexualmente transmiti. Dr. John T. Brooks, hefe medico pa Centers for Disease Control and PRevention su respuesta na e brote di Monkeypox a bisa cu e reportahe aki ta representa un yamado pa tuma accion.
Brooks a conta The Associated Press riba diahuebs cu el a premira cu e vacuna su recomendacionnan pa expande lo bini y cu “e cas blanco, conhuntamente cu CDC, ta trahando riba un plan pa trata con esaki lo tuma luga.”
Actualmente, CDC ta recomenda e vacuna na personanan cu tabatin contacto crcano cu un persona cu tin Mokneypox, personanan cu sa cu un partner sexual di nan a ser diagnostica den e 2 simannan recien y hombernan gay of bisexual cu a tin varios partner sexual durante 2 siman den un area cu un brote di e virus.
