(AP)—Honrando victima-, sobrevivientenan y trahadonan di emergencia despues di e tiroteo masal mas fatal den historia di Maine ta e prome topico den agenda pa legisladonan cu ta debolbiendo trabao na e Cas di estado.
A anticipa cu homenahe di e tiroteo na Lewiston lo fortifica e tono pa un sesion cu no inclui varios propuesta pa siguridad di arma, incluyendo posibel cambionan na e yamado “yellow flag law” di e estado, cual ta permiti huesnan pa kita arma for di un persona den un crisis mental.
E Maine Gun Safety Coalition a plania un demostracion den Hall of Flags pa mustra nan apoyo na e victimanan y nan famia. “Nos curason ta kibra pa via di e tiroteo na Lewiston,” manera David Farmer a bisa, ken ta vocero di e grupo. “Tin un necesidad urgente pa accion riba un reforma di siguridad di arma. Nos no por warda mas pa confronta a problema creciente aki.”
Tambe riba e agenda tabata un peticion pa representante di estado John Andrews, ken ta forma parti di e Veterans Legal Affairs Commitee, pa censura e secretaria di estado Shenna Bellows, debi cu el a nenga ex-presidente Donald Trump un luga den e balota primaria di e estado pa via di su rol den e atake riba e Capital Mericano dia 6 di januari 2021.
No tabata claro con e proceso di censura lo tuma luga den e legislatura domina pa democraticonan. E prome reto lo ta un voto pa procede den e Cas. Lo mester tin un voto di censura den e Cas y huicio den e Senado si acaso tin suficiente voto pa procede.
Legisladonan tambe a plania pa considera legislacionnan cu a ser tuma for di e ultimo sesion, incluyendo un propuesta pa duna mas soberania na tribonan Indigena Americano den e estado y un otro pa mienda e Constitucion di Maine pa protege e derecho pa un abortus, hunto cu centares di otro legislacionnan bieu y nobo.
Legisladonan tambe lo mester dicidi con pa deal cu un presupuesto suplemental cual ta anticipa lo top 100 miyon dollar.
