(AP)—E cantidad total di abortus provee den Merca a aumenta un tiki den e 12 luna despues cu estadonan a cuminsa implementa prohibicion riba esaki durante embaraso, segun un encuesta nobo a descubri.
E rapport cu a ser publica e siman aki for di Society of Family Planning, cual ta aboga pa acceso na abortus, a mustra cu e cifra a bay na casi cero den estadonan cu e prohibicion mas streng—pero a aumenta tur otro caminda, specialmente den estadonan cerca di esnan cu prohibicion. E averahenan mensual for di juli 2022 te juni 2023 tabata aproximadamente 200 mas halto compara cu na mei y juni 2022.
E cambionan aki ta refleha e cambionan grandi despues cu e Corte Supremo Mericano a duna su huicio riba Dobbs v. Jackson Women’s Health Organization, cual a anula e huicio di Roe v. Wade di aña 1973 cu a haci abortus legal nacionalmente. Desde aña pasa, mayoria estadonan Republicano a impone restriccion, mientras cu estadonan Democratico a extende proteccion pa esnan for di otro estado cu ta buscando abortus.
“E decision di Dobbs a bira acceso na abortus riba su cabes,” manera Alison Norris, co-presidente di e estudio, conoci como WeCount, a bisa. “E hecho cu abortus a aumenta den e ultimo aña ta mustra kico ta pasa ora acceso na abortus ser mehora, y necesidadnan ser cumpli.” Pero el a nota cu prohibicion ta haci acceso mas dificil—y tin biaha imposibel—pa algun persona.
Mientras tanto, un grupo anti-abortus a celebra cu e cantidad a reduci den estadonan cu prohibicion estricto, cual a conta pa un reduccion di casi 115.000. Prohibicion riba abortus y restriccionnan ta enfrenta retonan den corte constantemente, y huesnan mester pospone algun di nan. Actualmente, leynan ta ser imponi den 14 estado cu ta prohibicion abortus durante embaraso, cu excepcionnan limita, y dos mas cu ta prohibi esaki despues cu por detecta actividad cardiaco di e foetus—usualmente rond seis siman di edad gestacional y prome cu hopi hende muhe realisa cu nan ta na estado.
En general, abortus provee pa clinica-, hospital- y oficinanan medico a aumenta pa casi 200 pa luna nacionalmente for di juli 2022 te juni 2023 compara cu mei y juni 2022. E cantidad no ta refleha abortus obteni pafo di e sistema medico—manera por medio di obtene pildo for di amigo. E data tampoco ta conta pa variacion periodico den abortus, cual sa tuma luga durante temporada di lente.
E estadonan cu aumentonan mas grandi ta inclui Illinois, California y New Mexico, unda gobierno di estado ta controla pa Democraticonan. Pero tambe entre nan ta Florida y North Carolina, unda restriccionnan a ser implementa desde e huicio riba Dobbs. Na Florida, abortus ta prohibi despues di 15 siman di embaraso—y e por conta pa seis siman bao di un ley nobo cu no lo ser impone tanten cu no tin huicio cu ta contradec’e. Y na North Carolina, un prohibicion riba abortus despues di 12 siman a drenta den efecto na juli. E estadonan ainda tin mas acceso legal compara cu mayoria den sureste.
