(AP)—Un investigacion preliminario riba e accidente aereo dia 17 di september ta sugeri cu tabata confusion entre piloto net prome cu e accidente fatal a tuma luga na e National Championship Air Races luna pasa pero ta splica pakico esaki por ta.
National Transportation Safety Board a publica un rapport diaranson cu algun detaye cu investigadonan a conecta cu otro den e investigacion preliminario riba e causa di e incidente cu a resulta den e morto di pilotonan veterano Chris Rushing y Nick Macy.
Net Rushing a gana e titulo di careda T-6 y Macy a caba segunda ora nan avion antiguo a dal den otro mientras nan tabata moviendo den posicion aproximadamente 91 meter for di tera pa aterisa na Reno-Stead Airport, segun testigonan a conta NTSB.
E piloto cu a caba tercera, Vic McMann, a bisa cu niun di dos tabata ta unda e lo pensa nan lo ta normalmente prome cu el a perde bista riba nan mientras nan a prepara pa acerca e pasarela. Expertonan di e industria di aviacion a bisa algun dia despues di e incidente cu nan tabata confundi con dos piloto bon experencia a dal den otro asina.
CEO di Reno Air Racing Association, Fred Telling, tabata entre un par cu a nota cu e halanan riba e avionnan uza pa train pilotonan durante Segunda Guera Mundial por limita visibilidad pa e piloto di un avion bulando riba otro.
E accident a trece un fin diripiente na loke mester a ta e final celebra di e careda na Reno como cas di e campeonatonan nacional desde 1964. Organisadonan di e evento tambe tabata buscando un sitio nobo pa e competencia despues di e aña aki, parcialmente debi na e costonan di seguro cu a aumenta desde 2011. E aña ey un P-51D Mustang a sufri un fayo mecanico y a dal den e bankinan di audiencia, matando e piloto y 10 spectador y resultando den 70 hende mas cu heridanan grave. Esaki tabata un di e desasternan den show aereo mas fatal den historia Mericano.
