(AP)—E hefe Republicano di e Comite di Cas di Inteligencia e urgi e administracion di presidente Joe Biden ayera pa declasifica informacion tocante loke el a yama un menasa serio pa seguridad nacional.
Republicano Mike Turner no a duna detaye tocante e naturalesa di e menasa, y e administracion di Biden tambe a nenga pa adresa esaki. Pero varios legisladonan, incluyendo Vocero di Cas Mike Jonhson, a señala cu no mester ta alarma.
Johnson a bisa cu e no por revela e informacion clasifica. “Pero nos kier sigura tur hende cu nos ta bezig cu e situacion. Nos ta trahando riba dje y no tin mester pa ta alarma,” el a conta reporteronan na e capital.
Turner a manda ayera trempan un email pa miembronan di Congreso bisando cu su comite a “identifica un asunto urgente relatando na un capabilidad militar den exterior destabilisando” cu mester ta conoci pa tur legislado congresional. El a encurasha nan pa bin na SCIF, un area sigura, pa evalua e inteligencia.
Turner tabata un bos pa un seguridad nacional mas fuerte na Merca, cual a pone en contra di algun coleganan Republicano cu ta faborece un metodo mas isolacionista. El a yama pa e renobacion di un herment di monitorio gubernamental clave mientras cu algun Republicano y Democraatnan liberal a trece nan obhecionnan dilanti.
Y e ta apoya e continuacion di ayudo militar pa Ucrania den su guera contra Rusia durante un tempo cu fondo ta keda incierto debi na oposicion den e Cas. Representante Democratico Jim Himes, miembro di e Comite di Inteligencia, a bisa den un declaracion cu e informacion clasificado ta “significante” pero “no ta un causa pa panico.” E Comite di Inteligencia di Senado a bisa cu nan ta persiguiendo e asunto.
Ta parce cu e anuncio di Turner a sorprende e administracion di Biden. Consehero di seguridad nacional Jake Sullivan a conta reporteronan na e Cas Blanco cu e ta di tene un audiencia cu Turner y otro lider congresional caba awe. Sullivan no a revela e topico of provee cualkier detaye tocante e declaracion di Turner.
El a reconoce cu no ta practica standard pa ofrece un audiencia asina. “Mi ta djis bisa cu personalmente lo mi a tuma contacto cu Gand of Eight. E ta hopi inusual, de hecho, pa e consehero di seguridad nacional haci esey,” Sullivan a bisa. El a bisa cu el a tuma contacto e siman aki.
Johnson a bisa cu el a manda un carta luna pasa pa e Cas Blanco pidiendo un reunion cu e presidente pa discuti “e asunto serio di seguridad nacional cu ta clasifica.” El a bisa cu e reunion cu Sullivan tabata contesta pa su peticion.
