(CNN)—Tur infante bao 8 luna di edad mester haya un vacuna anticurpa nobo pa proteha nan contra e virus sincitial respiratorio, of RSV, segun un recomendacion pa e Centro di Control y Prevencion di Malesa na Merca.
Un panel di expertonan independiente a conseha e agencia—e Comite Consehero riba Practicanan di Inmunisacion, conoci como ACIP—a vota unanimamente diahuebs pa recomenda e inyeccion, cual lo ser añadi na e schedule di inmunisacion infantil di CDC awo cu e director di e institucion, Dr. Mandy Cohen, a firma pa esaki.
Den un segunda voto unanimo, ACIP tambe a recomenda pa cierto infante entre 8 pa 19 luna di edad haya un segunda dosis di nirsevimab pa asina yuda nan durante e segunda temporada di RSV, si nan tin malesanan scondi cu por pone nan den riesgo di hospitalisacion.
E vacuna ta e prome producto disponibel pa proteha tur infante contra RSV, un virus cu ta ataca e pulom y por causa hospitalisacion entre muchanan cu ta bao di un aña. Casonan tin e tendencia pa aumenta hopi durante e lunanan di herfst y winter. Baby mas jong tin un riesgo mas halto pa infeccion, cual por yena e pulmon cu moco, cual ta causa dificultad pa hala rosea.
RSV ta afecta cierto gruponan etnico mas duro compara cu otro. Muchanan nativo Mericano y nativo di Alaska a ser hospitalisa pa RSV 4 pa 10 biaha mas hopi cu e poblacion general, pues CDC ta bisa cu nan mester ta eligibel pa un segunda vacuna tambe.
Nirsevimab ta un anticurpa cu ta actua basta largo—un proteina cu por reconoce y gara RSV pa asina e infecta e celnan—no un vacuna. Esaki lo ser promove bao nomber Beyfortus. Miembronan di e comite tambe a vota pa agrega e vacuna den Programa di Vacuna pa Mucha, cual ta provee inmunisacion gratis pa muchanan cu no lo por a hay’e.
E vacuna aki lo ta e prome forma di inmunisacion pasivo agrega na e schedule di inmunisacion infantil. Al contario cu vacunanan, cual ta causa cu e curpa ta traha anticurpa contra patogenonan, inmunisacion pasivo no ta rekeri pa e curpa haci nada. E terapianan aki ta manda anticurpa protector den e curpa cla pa traha.
Sanofi y AstraZeneca, e dos compania promoviendo nirsevimas, ta bisa cu esaki lo ta disponibel pa pashentnan de algun luna, net na tempo pa e temporada di RSV. E recomendacion lo mester expande acceso na e terapia, cual ta un anticurpa cu ta actua pa tempo largo. Terapianan di anticurpa manera esaki por costa centares di dollar pa un solo dosis, pues hasta famianan cu seguro di salud tin chens pa paga for di nan cartera mes.
Pero e aprobacion for di ACIP ta nifica cu e vacuna nobo lo ser disponibel pa tur infante cu ningun costo “out-of-pocket” pa famianan. E Acto Federal di Cuido Medico ta ordena pa plannan di seguro cubri henter e terapia di inmunisacion si esaki ta recomenda pa ACIP.
Cubrimento pa seguro por dura un rato si. Bao ley, companianan tin un aña pa implementa cubrimento pa productonan nobo y e cubrimento ey lo mester tuma efecto den e proximo aña e ora, pues e por 18 luna te ora cu algun plan cuminsa cubri gastonan medico.
Fabricantenan di medicamento no a anuncia e prijs di Beyfortus ainda, pero durante e reunion, Sanofi a bisa cu si e vacuna ta recomenda pa tur infante, esaki lo costa 495 dollar pa cada dosis pa pagadonan priva y 395 dollar pa e Programa di Vacuna pa Muchanan. Expertonan di CDC a crea un model di un lista di prijs cu 495 dollar pa cada dosis y a determina cu lo ta bon pa famianan si gobierno cubri esaki.
