Mayornan di un baby na Houston ta acusa di mata nan yiu, despues cu autopsia a mustra cu e mucha a sufri fractura na su cabes y mas di 90 otro fractura. Nan a keda detenid algun dia despues cu nan a hib’e hospital.
Fiscal di ciudad di Harris a bisa cu Jazmin Robin a nace prematuro. E tabatin 10 siman di edad ora el a muri dia 15 di juni, 12 dia despues di sali di hospital. Su tata, Jason Paul Robin, di 24 aña di edad ta acusa di mata e baby.
Katharine Wyndham White, di 21 aña di edad, ta enfrenta cargo tambe pa algun herida di e baby. Robin ta cera den prizon. No ta cla si e tin abogado pa papia na su nomber. White no ta den e lista di prizon.
