Na Michigan, autoridad ta bisa cu un truck a dal contra un ‘garoshi di cabay Amish’ matando dos mucha y heridando gravemente otro dos, y un muhe cu tabata den e garoshi di cabay.
Polis ta bisa cu e dos adulto, hunto cu e 5 mucha tabata biaha pa otro ciudad di Algansee, un comunidad chikito agricola no leu di e frontera di Michigan, Indiana y Ohio. E dos mucha cu a muri tabata tin 6 y 2 aña.
Nan a wordo declara morto eynan mes. Segun informacion di autoridad, ta bisa cu e otro dos mucha, di 3 y 4 aña, a wordo hospitalisa cu herida cu ta menasa nan bida, y e muhe tambe a sufri herida grave.
Agente policial Todd Price a bisa ABC News cu e conductor di e truck tabata intoxica na e momento di accidente, y e ta deteni na e prizon di e ciudad. Autoridad no a duna informacion di e nomber di persona involucra.
