Facilidadnan di cuido di anciano no a reporta miles di casonan serio di potencial negligencia y abuso di anciano riba Medicare, a pesar cu ta un rekisito federal pa nan reporta esaki, segun un reporte di un agencia di vigilancia revela ayera, cu ta exigi un enfoke nobo pa proteha pashentnan fragil.
Oficina di inspeccion general di salud y servicio humano ta wak e situacion grave, ora cu nan ta wak cu e centro di anciano ta hiba un pashent directo na sala di emergencia di hospital. Registro di 2016 na Medicare a nota 6.600 caso cu ta refleha posibel negligencia of abuso.
Adminstrado Seema Verma a bisa cu centro di servicio di Medicare y Medicaid no ta tolera abuso of maltrato. Cu ta pone boet na centro di anciano cu no ta raporta caso. Verma a bisa cu e agencia conoci como CMS ta haciendo lo posibel pa mehora supervision den area critico, manera abuso y negligencia, tambe pa cuido di pashent cu demencia. Aunke ta bisa cu ta dificil pa descubri.
Segun investigado, hopi caso ta keda sin raporta pa motibo cu anciano vulnerabel tin miedo di papia cu famia, y mucho menos cu autoridad. Den un informe, un muhe di 65 aña a yega emergencia na un estado critico. E tabata lucha pa hala rosea, e tabata sufri di di esey. Pashent tabata tin un sobredosis di opioide, pa un eror di enfermeria. Pero e muhe a ricibi su tratamento y ta den recuperacion.
Otro caso, un residente masculino tabata sinta na comedor den un instalacion, ora cu un empleado a pasa y a dal’e na su cabes anto sigui cana. E empleado a nenga su accion, pero el a wordo captura pa camara di vigilancia.
