(AP)—E menasa di un ciere di gobierno federal a ser scapa diripiente diadomingo marduga mientras Presidente Joe Biden ta firma un legislacion pa fondo temporario pa mantene agencianan habri despues cu Congreso a pura aproba e trato bipartisano.
E paketenan di ayudo pa Ucrania, cual ta un prioridad di e Cas Blanco cu a mira oposicion pa un cantidad di legisladonan Republicano, ta aumenta e asistencia federal pa desaster pa 16 biyon dollar, logrando cu e peticion completo di Biden. E legislacion aki ta funda gobierno te cu dia 17 di november.
Despues di un par dia caotico den e Cas, Speaker Kevin McCarthy a bandona demanda pa recortenan di gasto for di su banda politico y a depende riba Democraticonan pa aproba e legislacion, na riesgo di su mesun trabao. E Senado a sigui cu e pasonan final, cerando un dia caotico na e Capital.
“Esaki ta un bon noticia pa e nacion Mericano,” Biden e bisa den un declaracion.
El a bisa tambe cu Merca “no por bao ningun circunstancia permiti cu e apoyo Mericano pa Ucrania ser interumpi” y ta espera cu McCarthy “lo mantene su compromiso pa e ciudadanonan di Ucrania y sigura e pasonan necesario pa yuda Ucrania na e momento critico aki.”
Pa awo, e resultado a pone un fin na e menasa di e ciere, pero esaki por ta den plaso cortico. E Congreso lo mester funda e gobierno atrobe den e proximo simannan, riesgando un crisis como cu perspectivanan ta birando mas critico, particularmente entre e legisladonan Derechista di ken nan demanda a ser poni na un banda e biaha aki den fabor di un acercamento bipartisano.
“Nos ta bay haci nos trabao,” segun McCarthy a bisa prome cu e voto den e Cas. “Nos ta bay ta adulto den e camber y nos ta bay mantene gobierno habri.”
Si no a yega na un trato diadomingo, trahadonan federal lo mester a enfrenta ausencia mandatario, mas cu 2 miyon tropa militar lo mester a traha sin pago y programanan y servicio cu e ciudadanonan Mericano ta depende riba dje lo mester a cuminsa cera diripiente.
