E partido di oposicion MEP tambe tambe ta na Hulanda pa e encuentro entre e parlamentonan di Aruba, Corsou, St. Maarten y Hulanda. Un punto cu nan kier trece dilanti ta e 10% cu SVb a corta riba pensioen di biehes cu tambe ta afecta hopi pensionado Arubano.
Bon Dia Aruba a pone atencion riba esaki den varios articulonan. Aña pasa SVb Corsou a dicidi di corta riba e pensioen di tur cu no ta biba na Corsou y tambe e pensionadonan di afo ta perde e kerstbonus. Esaki tambe tin consecuencianan pa pensionadonan di Aruba como cu SVb mester paga e parti di nan pensioen. Esaki ta un areglo entre Corsou y Aruba momento cu Aruba a haya su Status Aparte.
“Na sede di MEP mi ta atende hopi pensionado tur siman, y mi por a constata cu e problema aki ta serio na Aruba tambe. Mi a purba atende e tema aki cu gobierno di Curaçao pero nan a referi na gobierno di Aruba cu mester atende e tema aki. Lamentablemente sr. Mike Eman no a mustra ningun interes pa atende esaki. Pues awor mi lo trece e punto aki dilanti cu parlamento di Curaçao durante e encuentronan tripartiet”, Evelyn Wever-Croes ta duna di conoce.
