Ex Militar Reinier Koole tin un mensahe cu e kier a comparti cu esunnan cu ta ignora e conmemoracion di e victimanan di e guera di 4 di Mei 1945. E ta spera cu comunidad di Aruba tuma esaki sikiera un tiki mas na serio. Akinan por lesa e mensahe di Reinier Koole den su mesun palabranan:
”Pa esnan cu ta desea di ignora y laga atras e conmemoracion di 4 di Mei, cuminsa benta abao cualkier cura of muraya cu bo tin rond di locual bo ta yama bo ”propiedad” of ”tereno”. Si hende no ta permiti di tin privacidad, y pone un paro na e flow constante di ”refugees” e ora ey abo tampoco no ta permiti. Tambe, zorg pa bo invita cualkier y tur refugiado na bo cas sin pensa esaki dos biaha. No solamente e muchanan y muhenan jong ; Mi ta papiando di tur! Mi ta papiando di hombernan cu ta abusadornan sexual y tur otro sorto di agresor cu lo falta bo tur sorto di respet. Ultimamente sin laga afo, mi ta pidi pa bo papia cu nan den Aleman pasobra esaki ta e idioma cu bo lo por ta papiando actualmente si otro paisnan no lo a libera bo pais y bo famia for di ocupacion.
Mi no ta di acuerdo mes cu nan mester bom nan pero mi ta asegurabo cu paisnan (Western) ta haci nan best pa evita morto di hende inocente locual cierto biaha ta hopi dificil mes. Pakico otro paisnan Arabe no ta habri nan portanan na e ”refugees”? Nan tambe ta explota nan pais. Saudi Arabia tin mas placa y espacio cu virtualmente cualkier otro pais y no lo existi idioma laga ta barera cultural. ban habri nos wowonan”
