Aruba a mira un disminucion di 22.3% den e cantidad di turista for di Hulanda durante e prome cinco luna di 2023, mientras Corsou tambe a mira un caida di 21% y Republica Dominicana un caida di 15.3%. Mexico tambe a registra menos turista for di Hulanda, cu un caida di 9.1% te cu april di 2023, compara cu e mesun lunanan di 2022.
Sinembargo, segun un relato di CHATA, esaki no ta nifica cu e Hulandesnan a stop di biaha. E cantidad di bishitante Hulandes na Grecia a mas cu duplica den prome tres luna di 2023 compara cu e mesun tres luna di 2022, mientras cu e cantidad biahando pa Spaña a aumenta cu 3.2% for di 1,329 miyon den prome cinco luna di 2022 na 1,371 miyon den e mesun cinco luna di 2023.
Tambe tin dos destinacion lehano, niche, cu a mira un aumento den trafico for di Hulanda te awo e aña aki, manera CHATA ta indica, cu e cantidad di bishitante Hulandes na Costa Rica registrando un aumento di 24.7 porciento durante e prome cinco luna di e aña aki, compara cu e mesun cinco luna di 2022; y e cantidad di baihero Hulandes bishitando Maldives tambe a aumenta cu 11.8% den prome cinco luna, maske cu cifranan relativamente mas chikito.
