(NLTimes) – Alrededor di 29 porciento di votador a indica riba Peil.nl cu nan lo desea un continuacion di e gabinete actual cu VVD, D66, CDA y ChristenUnie.
Specialmente CDA y D66 lo perde cantidad di voto si tene eleccion nobo awo. D66 lo perde siete asiento, y CDA hasta dies.
En total, e cuatro partido cu ta tene negociacionnan di formacion a perde 13 asiento na 65, basa riba e encuesta recien di e votadornan. Esey ta nifica cu nan no lo tin e 75 asiento necesario pa forma un gobierno.
Otro partidonan manera BBB y Volt a gana tereno den e encuesta nobo, Volt ganando tres asiento y e BBB seis.
Confiansa den e gabinete actual tabata considerablemente mas halto entre votadornan di VVD y CDA na 80 porciento. Alrededor di mita di votadornan di ChristenUnie a bisa cu nan ta pensa positivamente riba continuacion di e gabinete actual. Pa votadornan di D66, e cantidad aki tabata alrededor di 35 porciento. Asina mes, mayoria di votadornan di D66 a bisa cu nan ta aproba pa D66 continua den negociacionnan cu e coalicion actual, a pesar cu e partido inicialmente a rechasa un coalicion cu ChristenUnie.
Cu un gran margen, e candidato ministerial mas popular tabata Pieter Omtzigt, kende a retira di CDA despues di conflicto cu otro miembronan di e partido na inicio di september. Alrededor di 62 porciento di encuestado a bisa cu nan lo kier Omtzigt den e gabinete nobo.
Prome minister demisionario, Mark Rutte a sigui den segundo luga cu 38 porciento, sigui di cerca na tercer lugar den un empate entre Wople Hoekstra y Wouter Koolmees na 36 porciento.
