(NLTimes) – Aña pasa, 173,000 empleado femenino a indica cu menopausa hopi biaha a influencia nan trabao. Esaki ta 55% di empleadonan den menopausa. 8 porciento tabatin problema diario, y 9% por lo menos un biaha pa siman, Staistics Nederland y TNO a reporta.
36% a bisa cu hopi biaha nan no ta funciona mesun bon pa causa di dolor, fatiga of problema di concentracion. 31 porciento a experencia situacionnan inconfortabel na trabao pa causa di sinti hopi calor diripente of cambio di animo. Mas o menos 13 porciento a experencia ambos un reduccion den nan productividad na trabao. 2 porciento tabatin asina hopi keho relaciona cu menopausa cu nan mester a keda AO.
Un di cinco parti di e muhenan no ta experiencia ningun problema relaciona cu menopausa, sinembargo 25 porciento si tabatin keho, aunke esaki no ta suficiente pa stroba nan trabao.
E oficina tambe a mira cu e probabilidad di e personanan cu no tabatin e motivacion pa traha ta mas grandi den muhenan den e grupo di edad 40 pa 60 aña, compara cu e muhenan cu no ta den menopausa. Entre muhenan cu sintoma di menopausa normal, 39% tambe a lucha cu kehonan di falta di motivacion pa traha.
Di e empleadonan cu tin kehonan relaciona cu menopausa cu ta afecta nan trabao, 57% a bisa cu nan tin falta di sosten y comprension na trabao.
