Presidente Donald Trump a bisa cu e lo bay directamente na e corte supremo di Merca si e democratanan algun bes purba di destitui su persona. Pero su strategia por tin obstaculo.
Tribunal Superior mes a bisa na 1993 cu redactor di constitucion di Merca no ta pretende cu tribunal tin e poder di revisa e procedura di huicio politico.
“Mi no a haci nada incorecto. No tin ningun solo delito grave of fayo. No tin ningun crimen di mi banda”, e presidente a bisa riba rednan social. E ta bisa cu democratanan a comete crimen y a bisa cu e ta mirando e congreso como su ultimo speransa.
E informe di consehero special Robert Mueller no a establece un conspiracion criminal entre e campaña di president Trump y Rusia pa influencia den eleccion presidencial na 2016, pero e revela cu e mandatario a purba tuma control di investigacion tocante influencia di Rusia.
Den su informe publica di siman pasa, Mueller a presenta varios episodio, unda cu e mandatario a ordena otro persona pa influencia of limita e investigacion, despues di un cita cu abogado special di 2017. Pero a bisa cu esfuerso no tabata tin exito, y gran parti pa motibo cu persona cu ta rond di e president a nenga pa cumpli orden of bay di acuerdo na su peticion.
E presidente di comite hudicial, Jerrold Nadler, kende a cita e ex abogado di Cas Blanco, Don McGahn, a bisa den un declaracion cu informe di Mueller ta redacta, e ta describi cu prueba substancial cu president Trump a comete ‘obstruccion y otro abuso’.
Nancy Pelosi, president di camara di representante, a insisti na e democratanan, cu ta dividi, pa centra cabes hunto pa enfoca riba busca ‘facts’, na luga cu bay den perspectiva di cualkier proceso di huicio politico.
