FILE - Family members and supporters hold a photograph of Tyre Nichols at a news conference in Memphis, Tenn., Jan. 23, 2023. The U.S. Attorney’s Office said Wednesday, Jan. 25, 2023 the federal investigation into the death of a Black man who died after a violent arrest by Memphis police “may take some time.” Speaking during a news conference, U.S. Attorney Kevin G. Ritz said his office is working with the Justice Department's Civil Rights Division in Washington as it investigates the case of Tyre Nichols, who died three days after his Jan. 7 arrest. (AP Photo/Gerald Herbert, file)

(AP) — Autoridadnan diabierna a publica video di polis mustrando cinco agente di Memphis batiendo un homber kende su morto a resulta den acusacion di asesinato y a provoca indignacion pa e caso mas recien di brutalidad policial na e pais.

Famia di Tyre Nichols a suplica pa cualkier protesta keda pacifico.

E oficialnan y e victima tur ta color scur. A entrega cargo contra e oficialnan diahuebs den asesinato di Nichols, un motorista kende a fayece tres dia despues di un confrontacion dia 7 di januari cu e agentenan durante un stop di trafico.

Fiscal di Shelby County, Steve Mulroy a bisa durante un conferencia di prensa cu maske e agentenan cada un tabatin un rol diferente den e asesinatonan, “nan tur ta responsable.”

Miembronan di famia y Nichols y nan abogadonan a bisa cu e video ta mustra e agentenan salvahemente batiendo e trahador di FedEx di 29 aña di edad durante tres minuut, den un atake cual e team legal a iguala na e atake infame di polis na 1911 riba motorista na Los Angeles, Rodney King.

Director di polis di Memphis, Cerelyn Davis a describi accionnan di e agentenan como “horibel, iresponsable y inhumano” y a bisa cu su departamento no a logra substancia e acusacion di core peligrosamente cu a resulta den e stop di trafico. El a bisa AP den un entrevista cu no tin video di e stop di trafico cu ta mustra Nichols ta core iresponsablemente.

El a bisa cu durante e stop, e video ta mustra cu e agentenan “ya tabata agita”, y cu nan tabata “agresivo, usando lenguahe profano y probablemente a spanta Sr. Nichols for di comienso.”

El a bisa cu nan sa cu algo a pasa prome cu e agentenan a sali di nan vehiculo, pero nan no sa kico a pasa.

“Lo unico cu nos sa ta cu e forsa cu a aplica na e situacion aki tabata di mas,” Davis a bisa.

Cada un di e agentenan ta enfrentando cargo di asesinato den segundo grado, atake agrava, secuestro agrava, mal conducta oficial y opresion oficial. Cuatro di e cinco agente a paga fiansa y a keda liber diabierna mainta, segun documentonan di corte.

Abogadonan di e agentenan a bisa cu nan ta bay declara inocencia y cu ningun di nan tabatin intencion pa Tyre Nichols muri.