ORANJESTAD – E vocero di partido y fraccion di AVP Melvin Tromp ta preocupa cu Pais Aruba practicamente ta sin un ministro di Husticia pasobra Aruba ta pasando di un berguensa pa motibo di un batayon di crimen cu ta asotando nos pais y mas cu tur cos casonan serio di abuso sexual cu menor nan.
Sr. Tromp ta sinti cu e ministro di Husticia Andin Bikker ta laga hopi di desea muy en particular si nos wak cu e mesun persona aki den Parlamento como oposicion e tempo ey e tabata tin solucion pa tur caso y constantemente tabata critica sr. Dowers como ex ministro di Husticia y awe Aruba a bira pio y nos ministro di Husticia ta den un silencio hermetico.
Pueblo di Aruba awe mas bien tin un decepcion pa e forma con e Ministro di Husticia aki no por domina su departamento nan pero te hasta nos a comprende cu lo kier a tapa e berdad pa loke cu ta e indicacionnan cu tin di haber cu cifra nan di KPA pa loke ta diferente casonan cu tin di haci cu Husticia.
Partido di AVP ta sostene Cuerpo Policial di Aruba cu corectamente a saca cifranan.
Nos informacion cu nos por a sigui ta indica cu Aruba ya caba pa 2019 a conoce alrededor di 20 caso di abuso sexual cu menor, esaki ta trata di menor nan di 16 aña bin abao y 12 di 16 aña pariba. Unda e plan pragmatico di parti di ministro Bikker a keda si awe ainda no tin un alma cu a publica resultado ariba diferente casonan cu tin di haber cu husticia. Fraccion di AVP por medio di mi persona ta para 100% tras di e iniciativa di e Cuerpo Policial di Aruba pasobra esaki ta significa ser transparente y honesto cu pueblo.
Sr. Tromp ta te hasta cuestiona e ministro aki Unda e 200 polis nan cu gobierno di MEP POR RED a firma den e acuerdo di gobernacion si ta apenas 14 polis so a wordo recluta pa loke ta e maneho di e ministro di Husticia aki den 2 aña di gobernacion pues tur esaki ta demostra cu aki ta trata di hendenan cu ta papia Hopi pero no tin e formato con pa duna guia na su departamento nan y muy en particular e cuerpo policial Arubano.
Scondemento ta na ordo di dia y nos ta te hasta sinti pa cuestiona e ministro di Husticia si e ta na haltura cu den caso di abusonan sexual di menor esta di 16 aña bin abao ta solamente 8 miembro di cuerpo policial di Aruba tin ta funciona den JZP y pa colmo ta un di e ocho nan aki ta certifica como experto pa haci investigacion al respecto e casonan serio aki.
Tambe nos por a sigui full e desaroyonan aki cu ta indica cu ta esposa di e parlamentario sr. Rocco Tjon ta e comisario encarga cu e departamento di JZP, algo cu tin pueblo intrankil pasobra Sr. Rocco Tjon awe ainda ta wordo reta si e por presenta e sentencia di hues den su contra pa un caso hopi serio cu tin di haber tambe cu abuso di un menor cu tin di haber cu su propio yiu muhe y cu aki te hasta tin un prohibicion contra di sr. Tjon.
Sr. Tromp ta bisa cu e casonan aki ta wordo considera hopi serio y no por cera wowo pensando cu core y acerca un par di ex miembro di cuerpo policial y un ex ministro di Husticia di mas ridiculo cu Aruba a conoce pa frena e situacionnan aki pa frena e situacionnan aki. E ministro di Husticia aki su unico interes ta su cartera si nos wak cu aki tambe e lo por ricibi un suma di + 2500 florin pa luna extra na tur locual cu e ta hayando caba, esaki ta caminda cu e fiesta cu placa di pueblo un biaha mas ta resalta, Kico lo ta retorno di e comision aki,nos como pueblo kier sa.
Sr. Tromp ta sigui cu su ponencia bisando cu a bay over na cumpli politicamente cu 6 persona cu un toelage di mas o menos 2500 florin pa luna si no ta mas y ora cu nos a bay informa e curso di Tourism Oriented Police o sea Niveau 2 ta totalmente ta skirbi caba desde 2011. Den pasado caba pa ta exacto na 2011 y 2013 a organisa e opleiding aki a wordo organisa cu a produci mas o menos 20 dedica na nos turismo. Na luga di a institui e comision aki por a uza e mesun placa pa 6 agente mas pa drenta opleiding pa bira polis.
Pa conclui sr. Tromp como vocero di AVP ta sinti pa recorda e ministro di Husticia actual pa stop di sconde tras di e realidad cu bao di bo mandato ta asotando e pueblo aki.
