Tin varios medio di comunicacion Mericano cu finalmente a publica tocante di e caso unda cu ex militar Mericano Patrick Maxwell a maltrata y a haci intento di rape e taxista femenino di 70 aña Grace Angela pa despues pasa riba dje cu su propio auto.
Maxwell tabata na Aruba riba vakantie cu coleganan di Real Estate y ta keda deteni. Su detencion a kede prolonga te cu 9 februari.
Aparentemente Maxwell ta un ex militar cu ainda na 2014 a bay Syria pa bringa Isis. Aki por lesa articulo completo formula pa Dailymail. Aki por mira un video unda cu NYTimes ta entrevista Patrcik Maxwell kende ta splica di ta bringa contra hendenan cu ta rape hende muhe y mucha y bende nan como esclavo di sex. Den e entrevista tambe nan ta mustra cu e ta un militar cu a termina cu su tarea cu honor na 2006.
E atake aki a causa hopi comentario riba medionan social, entre otro Rubiano tabata puntra dicon prensa Mericano tabata tarda di publica e noticia aki.
