Gobièrnu di Korsou den un konferesha di prensa a informa decishonnan tuma relashona ku medidanan den ambito di COVID-19.

Prome Minister Eugene Rhuggenaath den e konferensha a papia di e medidanan y prolongashon / adaptashon di esakinan.

A kuminsa pa splika ku Gobièrnu a bisa no ta tin problema ku dr Izzy. Dùs e notisianan rondó di esaki no ta kuadra. No ta tur ora nan ta riba e mes un liña pero semper ta respetá otro.

Pa loke ta e medidanan, Toke de keda ta bira 9or pm pa 4:30am. Plachi di dia ta keda por lo pronto. Pero hende ku por traha por hasi esaki libremente. Dia 17 mei ta sigui wak pa por adaptá esaki.  Transporte públiko por kore te 9or pm. Mantelzorg su orario a amplia un poko. Deporte individual so por hasi entre 5:30 pa 8am i 5:30 pa 8pm. Laman por sigui bai entre 4:30 pa 8or am.

A base plachi di dia. restorantnan ku teras por risibí kliente atrobe. Máksimo 50 hende. Mester tene kuenta ku 2 meter for di mesa i 4 máksimo por sinta. Por sirbi hende na mesa, voral esnan ku ke pidi alkohòl.

Restorant ku no tin teras, por entrega kuminda na kas òf na outo. Djadumingu por entrega kuminda na kas so. Ora di trùk di pan ta bira 4-8or di anochi. Por hasi entrega kas i tambe entrega na outo. Djadumingu entrega na kas so por.

Klientenan por bai hardware atrobe pero mester kore ku garoshi. Bou di 13 aña no ta keda konsiderá komo kliente. E lugá tin su límite di kliente manera supermerkadonan. Lugánan elektróniko tambe por laga klientenan drenta. Ora di servisio te ku 8or òf mane e pèrmit ekonómiko ta. Kompania ku ta ofresé por mayor por laga 5 hende físiko drenta. Kompania ku ta duna servisio di laba paña por habri i hendenan por  buska i trese nan pañanan. Lugá finansiero bankario por duna servisio bèk personal. Tene kuenta ku e medidanan di higiene.

Trabounan di konstrukshon ku ta na bienestar nesesario i urgente por tuma lugá. E parti bouw normal no por habri ahinda. Bishitá na kas awor por ku máksimo 4 persona. Servisio religioso por duna servisio djasabra i djadumingu  entre 8-11 mainta.

No por kore outo djadumingu. Por bai misa ku outo pero bo mester tin pèrmit di e misa. Transporte públiko òf outo di esnan trabou vital tambe por kore djadumingu. Kantor di number tambe por habri ménos riba djadumingu.

E medidanan ta drenta na vigor for di mañan i e ta keda te por lo ménos 17 di mei.

Pa e lastu 24 ora a hasi 396 tèst di kual 4 persona a tèst positivo. 318 persona te ku awor aki ta aktivo . Tin 52 persona hospitalisá di kual 24 ta den kuido intensivo. Tin 3 hende di nos na Aruba.