Corsou ta cay bou supervision di Reino, mescos cu Aruba y Sint Maarten, a haya un ‘instruccion’ (instruccion) pa corta gasto y mehora entrada pa motibo cu e isla no tin su presupuesto na ordo. Conseho di Minister di Reino ayera a dicidi esey den su reunion mensual extraordinario. Esey ta nifica cu Corsou mester haci recorte significativo den su presupuesto dentro di un tempo stipula.

Conseho di Minister di Reino, den cual Hulanda tin poder di decision como e pais di mas grandi, a sigui aki e conseho di Cft, cu pa gobierno di Reino ta supervisa y controla si e islanan tin nan presupuesto y nan gastonan na orden. Pa di tres aña consecutivo, Corsou ta haya su mes cu un deficit den presupuesto, mientras cu e islanan no mag di tin un deficit, segun loke a palabra di antemano. Segun Secretario di Estado Raymond Knops, ta necesario pa Corsou awo “implementa reforma structural den su totalidad.”

Cu Corsou en berdad a haya un instruccion no ta yega como sorpresa. Tres siman atras, Conseho di Minister di Reino a dicidi di pospone e decision, pasobra Hulanda y Corsou kier a yega na un acuerdo di cooperacion. Awo ta resulta cu Hulanda toch a impone un instruccion, pero na mes momento e paisnan a logra un acuerdo di asistencia di Hulanda pa Corsou den e crisis financiero-economico, segun Knops. Esaki no ta cuestion di placa, sino di ayudo practico y di conocemento.

Un instruccion ta un medio administrativo pisa, y pa e motibo aki gobierno di Corsou tabata contra esaki pa basta tempo caba. E relacion entre Den Haag y Willemstad e ultimo añanan a mehora, desde cu premier Eugene Rhuggenaath ta lidera gobierno. E ta ser mira como un partner constructivo, mientras cu gobiernonan anterior na Corsou tabatin confrontacion regular cu Hulanda.

Knops ta bisa cu e instruccion riba su mes “no ta yuda” Corsou, pero cu e supervision financiero mester tuma luga. Corsou ta haya e instruccion “un lastima” y lo apela esaki, pero toch ta contento cu e acuerdo di cooperacion.

Corsou ta reconoce cu pa basta tempo no a tene e presupuesto den balansa. Prome cu e aña aki termina, ta spera cu e deficit lo alcansa casi 55 miyon euro. Willemstad ta culpa e crisis na Venezuela di e problemanan financiero. E comercio tradicional di e pais, incluyendo produccion petrolero di refineria Isla, a keda para completamente como consecuencia di e problemanan economico na Venezuela. Ademas, Corsou mester carga e peso di e fluho di miles di migrante Venezolano.

Corsou ta teme cu e recorte di gasto forsa como resultado di e instruccion lo perhudica economia mas ainda. Corsou tin añanan ta mira su economia ta bay atras; luna pasa a bira conoci cu desempleo ta riba binti porciento. IMF a adverti anteriormente cu austeridad implementa demasiado rapido por ‘mina’ economia.

Den e instruccion no ta para ki recortenan Corsou mester haci, maske ta poni cu e pais mester corta gasto cu 280 miyon florin Antiano, pa por realisa un presupuesto balansa pa proximo aña. E isla por dicidi riba su mes unda ta corta gasto.