E aña aki ta yega fin di Juni. Si por compara esey cu e ultimo dos añanan, ta menos den referendum, si compara e prome seis lunanan di aña 2016 cu 2015 y 2014, segun mediador di Gobierno, Anselmo Pontilius. 2014 tabata tin mas, 2015 tin menos, pero awor aki tin dos referendum.
Por ehempel FTA a pidi pa e trahadonan den servicio di compania Costa Linda, cual awor aki a publica y e proceso ta canando y si ta corecto durante e siman aki of otro siman, ta sinta bek cu e compania y e sindicato FTA pa mira e ora ey con ta establece fecha, luga, ora y dia di esey.
Aruparking ta un otro. Sindicato STA a pidi e referendum.
A reuni caba cu e compania y awor aki ta verificando e informacionnan cu a drenta di parti di sindicato y si tur cos ta corecto e ora ey ta cana e caminda pa anuncia e prome fase den prensa, cu ley ta obliga pa anuncia cu a cuminsa cu un proceso di referendum. Esey ta e unico dos nan cu tin na e momentonan aki.
Pa loke ta Costa Linda, henter e hotel a pidi un referendum y atrobe den e caso aki, den e asunto di referendum, sindicato lo mester proba prome cu e referendum mes tuma luga riba papel, cu e tin suficiente trahado cu a bira miembro y tur cos ta indica cu riba papel esaki ta e caso den caso di costa linda.
Den caso di Aruparking awo ta bay cuminsa y manera cu haya informacion pa comproba y si esey ta e caso, lo pasa e proceso legal, lo pone fecha luga, ora, etc.
Despues di papia cu e partidonan lo traha un lista y si tin 50 trahado, e sindicato lo mester haya 26 of mas, di e cantidad di personanan cu tin derecho di vota. Si ta 50 persona ta aparece riba lista, e sindicato lo mester haya 26 of mas trahado pa por representa e trahadonan legalmente. E representacion ta nifica entre otro cana e caminda di negosha un contracto colectivo, mediador di gobierno a splica.
