(NLTimes) – Kylian Mbappé no lo cuminsa e wega di su pais contra Hulanda riba diabierna segun corant di deporte Frances L’Equipe.
Oranan prome, e corant a bisa cu manager Didier Deschamps a dicidi di mantene Mbappé sinta na comienso mirando cu te ainda e ta recuperando di un nanishi kibra.
Na luga di esaki, e capitan di e ekipo lo keda reemplasa pa Marcus Thuram como un striker, Adrien Rabiot na banda links y Ousmane Dembele na banda rechts. “Nos tin cu usa nos sentido comun,” Deschamps a bisa durante un conferencia di prensa diahuebs ora cu el a ser puntra tocante Mbappé. “Nos lo wak mañan.”
Ambos banda por oficialmente tuma nan puesto den e ultimo 16 cu un victoria. Pa Francia, pone Mbappé sinta contra Hulanda ta nifica cu e por ta den un miho condicion pa hunga contra Polonia den su ekipo su ultimo wega.
E strea tin tempo ta participa den training leve cu su ekipo despues di a kibra su nanishi den e ekipo su victoria 1-0 contra Austria. El a tuma parti den e sesion di training riba diahuebs bistiendo un mascara di proteccion.
