Mayornan na Alemania ta wordo avisa pa destrui un popchi cu ta papia yama Cayla pasobra su tecnologia ta revela data personal. E advertencia aki a bini for di Federal Network Agency (Bundesnetzagentur), kende ta encarga cu telecomunicacion. Investigadornan ta bisa cu hackers por activa e bluetooth den e popchi pa scucha y te hasta papia cu e mucha cu ta hunga cune.
E compania cu ta traha e popchinan (Genesis Toys) ainda no a duna un comentario riba e advertencia aki na Alemania. Vivid Toy Group, cu ta distribui My Friend Cayla, a yega di bisa cu hacking tabata isola y solamente haci door di specialistanan/expertonan. Sin embargo, nan a bisa cu e compania lo tuma e informacion pasobra e por upgrade e app cu e popchi ta uza. Expertonan ta adverti cu e problema ainda no a haya solucion. E popchi por contesta preguntanan cu acceso na internet.
Fuente: BBC 
