Mayoria residente kier politica cla y nacional pa cu klapchi pa aña nobo na Hulanda

(NLTimes) – Mayoria residente di Hulanda kier un politica cla y nacional pa cu klapchi pa aña nobo. Nan ta bisa cu laga den man di e municipalidadnan dicidi si nan ta bay prohibi klapchi of no ta un solucion a media. , EenVandaag a reporta despues di a haci encuestra cu 26,000 miembro di su panel di opinion.

Durante e ultimo 2 aña nobo, Hulanda tabatin un prohibicion nacional riba klapchi pa causa di e pandemia. Gobierno tabata kier a evita cu e hospitalnan cu ya caba tabata abruma cu extra pashent pa heridanan relaciona cu klapchi. 61 porciento di residentenan di Hulanda kier e tipo di prohibicion como uno permanente, citando bestianan spanta, heridanan, daño y polucion innecesario como motibonan pa haci esaki.

“Nos a custuma cune caba, e ta un bon momento pa introduci e prohibicion aki,” un participante a comenta. Otro a enfatisa cu e prohibicion mester ta nacional pa e por tin e efecto desea. “Sino, bo ta haya turismo pa klapchi na municipalidadnan cu no tin e prohibicion. E lo ta un problema y no lo por ser aplica ni controla.”

Un tercer parti di e participantenan ta den contra di e prohibicion. Pa nan, e klapchi durante aña nobo ta un tradicion bunita cu nan kier mantene bibo. “Mi ta mira con mi nietonan ta stima klapchi, siempre y cuando e ta sigur mi no ta kere e ta un problema,” un respondiente a bisa.

E asociacion Hulandes di municipalidadnan VNG kier pa e gabinete bini cu un vision uniforme pa loke aña nobo mester ta. “Con nos ta sigura hunto cu nos por haci esaki un fiesta divertido pa tur hende? Esaki ta importante. E ta e pintura total, e punto na e horizonte, cual nos ta kere ta haci falta na nivel nacional,” alcalde Liesbeth Spies a conta EenVandaag di parti di VNG.

Dos tercer parti di e alcaldenan kier un prohibicion di klapchi. Pa nan, e libertad di por cende klapchi no ta surpasa e dañonan cu esaki ta causa mas.

VNG ta dispuesto na duna sosten na e prohibicion bao di cierto condicion, incluyendo cu esaki mester ta di manera cu por aplica esaki. Segun e asociacion, esaki a e problema actual cu e prohibicion di klapchi. VNG tambe kier pa yega na acuerdo cu Belgica y Alemania pa asina Hulanda su residentenan no por cumpra klapchi na e pais y cende nan na Hulanda.