WASHINGTON – Mayoria di Mericano kier pa bin reglamento stricto, tambe ta kere cu luganan di adoracion y scolnan a bira mas insigur e ultimo dos decada, segun un investigacion di centro di relacion publico.
E encuesta a wordo realisa prome y despues di e tiramento na New Zealnad. 67% di Mericano ta apoya pa haci e ley di arma di candela na Merca mas stricto, e otro 22% ta bisa cu mester lag’e manera e ta, y 10% ta pensa cu lo mester ta menos stricto.
Locual a pasa na New Zealand, dia 15 di maart ultimo, no tabatin impacto directo na Merca y nan ley nobo di arma di candela. Mayoria di Mericano semper a bisa cu ta apoya pa ley mas fuerte, e propuesta ta pega na congreso e ultimo aña, compara cu New Zealand y otro pais manera Australia, cu a actua lihe despues di e tiramento.
Den encuesta, tambe a haya cu esunnan cu tin arma ta mucho mas habri compara cu esunnan cu no tin arma, pa trata e tema di arma cu funcionario publico, of haci donacion na organisacionnan cu a tuma un postura tocante e tema.
