Un version hibrido di e mata di pica cu ta crece na New Mexico a keda selecta pa crece den espacio pa un experimento di NASA. E pica ta plania pa bay manda na e International Space Station den maart di 2020, segun Albequerque Journal.
Un grupo di experimento di NASA cu kier haya sa con pa crece cuminda fuera di atmosfera di nos planeta tin algo en comun cu e version hibrido di e pica cu ta crece na New Mexico: Ambos tabata crea cu e input di Jacob Torres, kende ta bin di Española y ta un investigado di NASA.
Segun Torres e proposito di manda e pica den espacio ta pa demostra cu NASA su Advanced Plant Habitat – cual ta recrea e necesidadnan ambiental cu ta laga mata crece manera Co2, humedad y luz – ta traha no djis pa mata manera lechuga y spinazie, si no tambe pa mata cu ta duna fruta.
“Esey lo nifica cu si nos en berdad dicidi di bay riba un mision den espacio mas leu, of ora nos bay e luna of Mars, nos lo mester haya un manera pa varia nos dieta.” Asina e cientifico a bisa, agregando cu ‘comprendiendo con pa crece mata cu ta agrega na un astronauta su dieta lo ta esencial pa nos mision pa yega Mars. Kiermen cu esey ta motivando e research cu nos ta haciendo awo’.
Esaki lo ta e prome mata cu ta duna fruta cu lo crece riba e International Space Station. Anteriormente astronautanan a yega di crece berdura y tambe flornan.
