Massachusetts lo prohibi benta di autonan nobo cu ta traha cu gasolin y otro combustibel fossiel pa aña 2035, e estado a anuncia weekend ultimo den su 2050 Decarbonization Roadmap. Ta e prome estado pa sigui California, cu september ultimo a lansa su plan pa stop e benta di cualkier auto nobo cu un motor di combustion interno, despues di un temporada desastroso di candela forestal.
Manera semper tin un excepcion den e plannan aki, e regulacion proponi no ta pidi pa un prohibicion riba benta di autonan di segunda mano cu motor di gasolin of diesel. Cumpradonan ainda por haya nan vehiculo tradicional for di un bendedo di segunda mano. Fabricantenan di auto cu ta haci negoshi na California y Massachusetts den futuro cercano, sinembargo, no lo tin e habilidad di bende un auto nobo cu ta rekeri bishita na pompstation.
E reporte tambe a pidi pa mayor enfoke riba combustibelnan carbon-cero, cu algun fabricante di auto mes kier inverti aden. Porche, notablemente, ta destaca. Alternativanan viabel pa directamente reemplasa combustibel fossiel no ta existi awendia. Den futuro, e estado a bisa cu kier mantene un mente abierto tocante uso di biofuel di algun sorto pa reemplasa e necesidad di combustibel fossiel den tur cos, for di jet fuel te gas natural. Formanan renobabel di energia tambe ta tuma prioridad, specialmente na momento cu e reporte ta nota e necesidad pa sigura un red di electricidad fortifica pa e expansion spera di uso di charger na cas y stacionnan di recarga publico pa vehiculo electrico (EV).
Mas sigur lo mira otro estadonan, hopi di cual ya ta sigui standard di emision di California, continua adoptando e prohibicion 2035 riba autonan nobo cu motor di gasolin. New Jersey, por ehemplo, a considera e idea aña pasa.
Bottom of Form
Manera Bon Dia Aruba a reporta na november, Reino Uni tambe a anuncia su prohibicion di benta di auto di gasolin pa aña 2030.
