Mascara y potretnan simpel ta suficiente pa gaña tecnologia di reconocemento di cara na aeropuerto y sistema di pago, resaltando un reto mayor pa locual ta considera como un herment di siguridad mas efectivo.
E test, realisa pa compania di inteligencia Kneron, a involucra bishita sitionan publico y gaña terminal di reconocemento di cara pa permiti pago of acceso. Por ehempel, tiendanan na Asia – unda tecnologia di reconocemento di cara ta ampliamente desplega – e team di Kneron a uza mascara 3D di calidad halto pa gaña AliPay y WeChat su sistema di pago pa haci compras.
E sistemanan aki, cu ta similar na esunnan haya den aeropuertonan, ta uza e cara di un persona na luga di un PIN of dede pa valida identidad di e usuario. Mascaranan asina, en teoria, por permiti criminalnan uza e cara di otro persona – y su cuenta di banco – pa haci compras.
Mas alarmante tabata e testnan realisa den hub di transporte. Na terminal di self-boarding na aeropuerto di Schiphol, team di Kneron a trick e sensor cu apenas un potret riba pantaya di celular. E team tambe ta bisa a logra haya acceso di e forma aki na stacion di trein na China, unda pasaheronan ta uza reconocemento di cara pa paga y aborda trein.
E experimentonan di transporte ta hisa preocupacion tocante terorismo na un momento unda agencianan di siguridad ta explorando reconocemento di cara como un forma pa spaar placa y mehora eficiencia. Den caso di tablet di pago, e habilidad di trick WeChat y AliPay cu mascara ta aumenta e posibilidad di fraude y robo di identidad.
Den caso di e mascara, e decepcion a traha pasobra e sistema di reconocemento di cara ya tabata contene un imagen di e persona riba ken e mascara tabata basa. Kneron ta reconoce, sinembargo, cu fraude asina probablemente no lo ta comun pasobra esunnan uza den e experimento a ser obteni for di specialistanan den fabrica di mascara na Hapon. Pero e compania basa na San Diego a nota cu e tecnica por ser uza pa defrauda hende famoso of rico.
E experimento di e compania ta yega na un momento di debate intenso riba con ampliamente mester desplega reconocemento di cara. E confiabilidad di reconocemento di cara y inteligencia artificial ta bou scrutino. Cientificonan di computer, den un experimento similar, recientemente a trick sensor di cara uzando potret di Facebook. Tambe den un estudio di 2017, investigadonan na MIT a mustra con inteligencia artificial di Google a confundi imagen di tortuga pa un rifle.
Mientras tanto, inteligencia artificial tambe a produci herment cu facilmente por reproduci fingerprint di un persona – subrayando mas ainda con e hermentnan biometrico riba cual nos ta depende cada bes mas ta menos sigur di locual hende ta pensa.
