Un grupo desconoci a mata como 95 persona na Dogon durante anochi, den e mas recien masacre den un conflicto etnico creciente, cual a ser aumenta pa extremistanan Islamico, segun oficialnan di gobierno.
Ningun grupo, ni persona a tuma responsabilidad pa e atake, aunke tension ta halto desde cu militar di Dogon a wordo acusa pa otro masacre na Peuhl, na maart. Youssouf Toloba, kende ta lidera e grupo militar conoci manera Dan Na Ambassagou, a nenga di a forma parti di esun di maart, unda a laga 157 persona morto.
Amadou Sangho, vocero di ministro di siguridad interior, a bisa cu tin otro 19 persona desapareci ora cu el luga a wordo ataca madruga riba dialuna. Violencia entre comunidad a aumenta, un manera constante na e centro di Mali pa e ultimo aña, pa e presencia di gruponan vincula cu Estado Islamico y Al Qaida.
Peuhl ta acusa di traha hunto cu jihadista di Estado Islamico di Gran Sahara pa ataca pueblonan di Dogon y preveni hende di cultiva nan tera. A cambio, Peuhl a acusa Dogon di colabora cu milicia di Mali, maske no tin un señal cla di sosten estatal.
Human Rights Watch sinembargo ta bisa cu e Dan Na Ambassagou, un milicia Dogon, ta responsabel pa violencia cu a resulta den hopi mas morto, den parti debi na armanan mas sofistica.
Secretario general di Nacionnan Uni, Antonio Guterres a bisa cu den centro di Mali a desplasa 60.000 persona. Agregando cu e ta preocupa pa aumento di e violencia y efecto cu por causa riba civilisacion.
