DEN HAAG – Segun IOM un number di Venezolanonan cu a huy pa Corsou y Aruba ta parce di ta considerablemente mas alto cu a supone anteriormente.
Segun e ultimo cifranan di e Organisacion Internacional pa Migrantenan (IOM) 26 mil Venezolano a bay Corsou den e ultimo añanan pa asina scapa e miseria na nan propio pais. Pa Aruba e cifra ta 16 mil persona. E cifranan aki ta confirma pa e plataforma di Coordinacion Respuesta pa Venezolanonan (R4V).
Na total 3.4 miyon Venezolano a bandona nan pais di cual 1.1 miyon a bay Colombia.
