(NLTimes)—Aña pasa, Amsterdam a gana 196.5 miyon euro mas cu loke el a gasta, segun e cuenta anual cu Alcalde Hester van Buren (Finanzas) a presenta. E surplus ta relata na e regreso lihe di turista y menos inversion a cu a haci den proyectonan cu ta experencia dificultad pa establece pa via di un deficit den personal, Parool ta reporta.
E aumento den e presupuesto ta un ganashi inespera pa e tesoreria di e ciudad. E municipio tabatin e expectativa pa caba 2022 cu un perdida di 37.1 miyon euro.
Un contribucion grandi den e ganashi ta e fin di e restriccionnan pa coronavirus. Pa via di lockdowns den pasado e efectonan di esaki cu ta keda, Amsterdam a spera di perde 65 miyon euro den ganashi riba e impuesto di turista. Pero turistanan a regreso na e ciudad mas lihe cu loke a spera na 2022, pues ganashi di turismo a aumento cu 18 miyon euro.
Ademas, Amsterdam a ricibi 44.2 miyon euro mas for di gobierno nacional. E contribucion anual di Amsterdam ta crece y krimp cu gasto nacional, cual aparentemente tabata mas halto cu loke a spera, como cu gobierno a aumenta gastonan den Defensa y ainda tabata paga medidanan di apoyo pa coronavirus.
Un otro factor ta e deficit den personal. E ciudad ta gastando menos riba personal pasobra e no por yena vacatura. E deficit tambe ta nifica cu a gasta 4.5 miyon euro menos riba mantencion di waf y brug den e ciudad, y no a inverti 45.7 miyon euro den varios proyecto.
Amsterdam ta bay uza parti di e ganashi aki den e futuro cercano, pero e mayoria ta bay pa yena e cuenta di spaar di e municipio. Parcialmente pa via di e crisis di coronavirus, e reserva general di e ciudad a krimp cu casi 75 miyon euro—mucho tiki pa absorbe crisis den futuro. Amsterdam ta spera di por restaura su cartera pa 302 miyon euro pa 2024.
