Mas studiante Europeo lo por cualifica pa un studielening Hulandes

(NLTimes) – Dienst Uitvoering Onderwijs (DUO) lo permiti mas opcion pa studiantenan Europeo cu ta aplicando pa un prestamo di estudio y asina lo ta menos probabel di rechasa e aplicacion automaticamente, un vocero di DUO a conta NOS.

Studiantenan di EU ta cada biaha ganando mas demanda den contra di DUO pa causa di e agencia su rekisitonan estricto pa loke nan ta considera un trabao part-time, segun e noticiero.

Studiantenan cu tin un trabao part-time na Hulanda por aplica pa financiamento di estudio pa motibo cu nan ta considera un empleado. EU ta considera cu e ta importante pa empleadonan den e mesun Estado Miembro tin derechonan igual. E ley Europeo no ta dicta e cantidad di ora cu ta constitui un trabao part-time, sinembargo DUO a dicta esaki como 56 ora pa luna riba su sitio web.

“Awo bo ta mira hopi studiante ta pensa di adelanta caba ‘mi no ta cualifica pa esaki. Kiermen mi no ta bay ni aplica,” abogado Jillian van Damme, ken a conduci varios demanda exitoso den contra di DUO, a declara na NOS. “E studiantenan cu si ta haci esaki y despues ta keda rechasa pa no cumpli cu e rekisito di 56 ora hopi biaha ta laga cos asina. Y pa e studiantenan cu si ta sigui desafia esaki, e ta tuma mas o menos 6 luna te cu hasta 1 aña pa nan por rectifica e daño.”

Mientrastanto, nan ta enfrenta dificultad financiero, problema di concentracion y otro problemanan di salud mental pa causa di stress tocante placa y e procedencia legal, y hopi biaha nan tin cu bolbe back cas pa motibo cu financieramente nan no por keda na Hulanda mas.

Segun Van Damme, tur esaki ta completamente innecesario pa motibo cu e standard di 56 ora no ta inclui den e ley Europeo. “Den corte, nos ta mira cu bo ta cualifica hasta cu 40 ora pa luna.” Abogado Patrick Folsche, ken tambe a yega di gana caso contra DUO, a bisa cu e lo hasta gana un caso cu 32 ora pa luna.

DUO a comenta na NOS cu nan lo evalua di cerca si un persona cu ta traha menos di 56 ora pa luna ta cualifica pa haya e financiamento di estudio. Y tambe nan lo ta mas transparente riba nan sitio web tocante e hecho cu un studiante por cualifica pa financiamento hasta si nan ta traha menos cu e 56 ora pa luna.

Segun DUO, mas o menos 6,000 studiante a ricibi fnodo na Hulanda aña pasa. Esaki ta mas o menos 7 porciento di e cantidad total di studiantenan Europeo cu ta studia den e pais. E agencia no por a calcula kico un strategia menos estricto lo nifica pa e cifranan aki.

Parlamentario di PvdA Habtamu de Hoop a bisa cu e ta algo bon cu DUO lo haci un excepcion na e standard di 56 ora cu mas frecuencia. “E ta positivo pa e salud mental y bienestar di e studiantenan internacional,” De Hoop a bisa, sinembargo el a agrega cu esaki no por bini na costo di studiantenan Hulandes. “Pa e motibo aki, mi a puntra si e Minister a calcula caba e costonan y consecuencia di esaki caba.”