AMSTERDAM – Medidanan extra di siguridad ta wordo tuma na moskee na Hulanda como reaccion na e masacre na New Zealand, cu a cobra bida di mas di 49 persona.
Alcalde di Amsterdam, Femke Halsema, a bisa cu a tuma pasonan ‘a base di sensitividad den sociedad na luga di menasa concreto’. Halsema y e alcaldenan di Den Haag y Rotterdam a bishita moskee ayera atardi, segun NOS a bisa.
Na Utrecht, un auto di polis ta staciona pafo di e Centro Cultural Islamico, cual ta cera como precaucion, y lo habri unicamente durante oracion di atardi y anochi.
Minister di Husticia, Ferd Grapperhaus, a bisa cu e unidad di contra- terorismo Hulandes ta den contact constante cu autoridadnan di moskee. “Nos ta alertando continuamente tocante e riesgo, tanto na moskee como synagoge”, el a bisa.
E Conseho Hulandes di Moskee Marocano a duna un declaracion ayera, bisando cu e asesinatonan na New Zealand ta un acto teribel y sin precedente. “Nos ta scuchando un cantidad di reaccion desorienta y panico”, vocero Said Bouharrou a bisa.
