E number di personanan cu tin cu entrega na administracion di nan finanzas na un administrado debi na nan debenan cu a aumenta significantemente den e ultimo 5 añanan, asina e Conseho di Poder Hudicial a bisa recien. Na 2018 a ordena mas o menos 56.000 persona pa bay na un supervision di nan asuntonan den comparacion cu 35.000 na 2013. Esaki generalmente ta debi na debe of problemanan personal manera adiccion, enfermedad cronico of problemanan mental. Mas di 250.000 persona na Hulanda ta ricibi apoyo di algun tipo pa e administracion di nan finanzas.
E red di administradonan ZELF a bisa cu, segun e encuesta realisa entre clientenan, personanan cu debe y cu ingreso abou tin cada biaha mas dificultad pa bay dilanti y apenas e tin placa resta pa cumpra comestibel, paña y transporte. E aumento di e costonan di huur, coriente y atencion medico ta e motibonan principal di e deficit mensual, segun e encuesta. “E ingreso disponibel neto di e grupo a aumenta cu alrededor di €20 pa €30 den dies aña, pero e aumento promedio di prijs di bienes, servicio publico y huur ta mucho mas halto.
Esaki ta significa cu nan ta keda cu menos placa den nan saco cu na 2009, e Director di un administrado grandi, CAV, Erwin Bel a bisa Volkskrant. Servicionan publico y huur ta representa 75% di e gastonan di persona, Bel a bisa, y a bisa cu “esaki ta locual ta haci nan cartera un ticking time bomb”. Un Vocero di Ministerio di Asuntonan Social a bisa cu e poder di compra di e gruponan vulnerabel, ta prioritario riba agenda” cu placa extra reserva pa huur y subsidionan di asistencia medico y midimento manera impuesto pa e gruponan di entrada abou. Gobierno lo anuncia plannan di gastonan pa 2020, dia 17 di september.
