(DutchNews) – Mas o menos 80,000 pasahero den vuelonan rumbo pa Hulanda a ricibi asiento cerca di personanan infecta cu coronavirus, pero un tercer parti e personanan aki no tabata informa di esaki, segun un analisis conduci pa Kennemerland Regional Health Board na peticion di de Volksrant.
Kennermerland Regional Health Board, ken ta responsabel pa track e fuente di infeccion riba vuelonan, a basa nan figura riba datonan di pasahero na airport internacional.
E pasaheronan infecta, mas o menos 11,488 den total, ta parti den mas di 9,343 vuelo. Pasahero den proximidad di 2 asiento di e persona infecta den tur direccion, y empleadonan den e vuelo cu a drenta den contacto cu e persona infecta, tur ta considera den riesgo.
Di e 80,000 pasahero cu por a ser infecta, Kennnermerland a logra contacta solamente 19,500.
Durante e temporada druk cu Kennermerland a logra yega na menos di 15% di e contactonan reporta via telefon, vocero di e agencia Harm Goustra a conta e corant. “Nos mester a haci uso di e-mail pa motibo cu simplemente no tabatin tempo pa yama nan tur,” el a expresa.
Despues di vakantie recien unda cu varios persona a biaha bay extranhero, e cantidad di pasaheronan infecta a aumenta na casi 55%.
Personanan bayendo bek Hulanda desupues di pasa vakantie na Crete, Palma de MAllorca y Istanbul ta responsabel pa mayoria di e infeccionnan. Mas o menos 800 pasahero infecta a drenta e pais desde e paisnan aki.
E number real di pasaheronan infecta por ta mas lihe, Kennermerland a declara, pa motibo cu solamente casonan unda cu e persona infecta a bay test positivo y su sintomanan ricibi tratamento y vigilancia.
Kennermerland te ainda ta conduciendo investigacion pa por saca afo cuanto di e 80,000 hende cu tabata den cercania di e personanan infecta a ricibi e virus.
