Tocante e muchanan cu no tin status regular di estadia formalisa, Director di SKOA, Anuesca Baly a comenta cu pa e aña escolar nobo nan tin aproximadamente 70 inscripcion. Pa e parti aki el a sigura cu SKOA no ta nenga pa ningun mucha e derecho di enseñansa, locual nan ta pone como exigencia ta cu tin cierto rekisitonan cu nan mester cumpli.
Un di nan ta pa cuminsa haya lesnan di idioma Hulandes mientras e temporada di scol ta cuminsa y nan mester tin un seguro priva por si acaso algun accidente paden of pafo di scol mester tuma luga. 30 di nan a registra caba for di luna di januari, pero nan no tin ni un base di Hulandes y e otro cantidad restante a haya lesnan pa por defende nan mes.
Baly a informa cu pa e muchanan aki, gobierno a implementa e proyecto Prisma cu ta specificamente pa muchanan for di 6 te cu 12 aña di edad cu no ta papia Hulandes, esunnan cu tin otro nacionalidad y nan por asisti na Scol Prisma
