Mas hende no ta sinti safe na Hulanda

(NLTimes)—Mas hende no ta sinti safe na Hulanda compara cu dos aña pasa. E cantidad di hende cu a cay victima na crimen tradicional, manera violencia, hortamento of vandalismo, tambe a aumenta, Centraal Bureau voor de Statistiek (CBS) a reporta den su Safety Monitor 2023.

Aña pasa, 35% di residentenan Hulandes a bisa cu nan a sinti menos safe en generla y 15% no a sinti safe den nan bario, compara cu 33% y 13.9% den 2021. E sentimento di inseguridad a aumenta mas tanto den Flevoland, for di 14% den 2021 pa 17.5% aña pasa.

Ademas di Flevoland, residentenan di Zuid-Holland (17.7%) y Limburg (17.6%) tabatin mas chens di no sinti safe. Residentenan di Friesland y Drenthe tabatin e sentido mas grandi di seguridad, cu 10.3 y 10.5% reportando cu nan no ta sinti safe, respectivamente.

Residentenan di municipionan mas grandi tin mas chens di no sinti safe. Un kinto (19%) di esnan bibando den e 55 municipio Hulandes cu mas cu 70,000 residente no ta sinti safe, compara cu e averahe nacional di 15%. Mas cu un kwart di localnan no ta sinti safe den Heerlen, Rotterdam, Roosendaal, Vlaardingen y Schiedam. Den Hoeksche Waard, Súdwest-Fryslân y Meijerijstad, esey ta menos cu 10%.

Aña pasa, 19.9% di residentenan Hulandes di 15 aña bay ariba a bisa cu nan tabata victima di crimen tradicional. Den 2021, esey a cay pa 17%–e cifra mas abao den un decada. 2021 tabata durante e pandemia di coronavirus, cu lockdowns manteniendo tur hende na cas y dunando criminalnan menos chens pa actua.

E cantidad di hende cu a cay victima na crimennan tradicional den 2023 ta casi mescos cu nivelnan pre-pandemico, CBS a bisa. Mescos ta berdad pa e cantidad di crimennan registra. E cantidad di victima di crimen a aumenta mayoria den e provincia di Groningen, for di 16.3% den 2021 y 21.3% aña pasa. Hende cu tabatin mas chens di ta victimanan di crimen den Noord-Holland (23.6%) y Zuid-Holland (22.3%).

Amsterdam tabatin e mayoria crimennan registra, cu 61,000 casi di hortamento, violencia y vandalismo. Esey ta conta pa 67 crimen pa cada 1,000 residente di Amsterdam. Tubbergen den Overijsel tabatin 5 crimen pa cada 1,000 residente. E averahe nacional ta 29 crimen registra pa cada 1,000 habitante.